Sliem għalik Marija Immakulata

Abstract

L-Immakulata mimlija bil-Grazzja quddiem Alla Alla permezz tal-anġlu Gabrijel ikellem lill-Madonna u jindirizzaha bħala dik li hija ‘mimlija bil-grazzja’. Il-kelma Griega għall-grazzja hija charis, waqt li dik Ebrajka hija hanan, termini li jfissru wkoll ‘favur quddiem Alla’. Il-Bibbja turina kontinwament dan il-kobor tal-Madonna bħala l-qaddejja ta’ Alla mimlija bil-grazzja. Din l-istorja ta’ imħabba hija inizzjattiva ta’ Alla li jitfa’ l-ħarsa tiegħu fuq din il-kreatura ‘grazzjuża’. Sa mill-eternità Alla għażel biex tkun Omm Ibnu, waħda minn ulied Israel, tfajla Lhudija minn Nazaret tal-Galilija, “... xebba mgħarrsa ma’ raġel jismu Ġużeppi, mid-dar ta’ David. Din ix-xebba kien jisimha Marija.” (Lq 1:26-27).