Kontribut lil Melitensia : il-kotba tal-baned tal-festi

Abstract

Il-festi Maltin, apparti li jiffurmaw emblema qawwija mill-folklor ħaj ta' pajjiżna u minbarra li huma attrazzjoni għat-turist li jiġi f'Malta biex iqatta l-jiem tal-btala tiegħu, huma wkoll manifestazzjoni ġgantija tal-volontarjat u tal-appostolat. Fost dawn il-ħidmiet volontarji hemm il-kotba li kull każin tal-banda f'Malta u Għawdex jippubblika fl-okkażjoni tal-festa tal-parroċċa. Dawn il-kotba mhux biss ikollhom informazzjoni fuq il-ħidma li titwettaq mill-każin iżda wkoll kitba minn kontributui diversi fuq l-istorja ta' Malta, l-arti, l-kultura u r-reliġjon. Dawn l-artikli jservu ta' twejqa kurjuża fuq l-antropolġija tal-ġens tagħha li għalkemm ċkejken fid-daqs iżda daqshekk ieħor huwa godli fil-wirt kulturali, storiku u reliġjuż.