Francesco Vincenzo Zahra (1710-1773) u l-Knisja Parrokkjali ta' San Ġorġ

Abstract

Ir-restawr professjonali riċenti tal-kwadri laterali tal-Kor, xogħol Francesco Vincenzo Zahra, tawni spunt inħarbex dawn iż-żewġ kelmiet, anzi riflessjonijiet personali, imnebbħin minn din il-ġrajja. Dawn iż-żewġ kwadri jiffurmaw parti mill-kollezzjoni impressjonanti ta’ opri tal-arti li ġew mogħtija matul is-sekli lil din il-knisja ewlenija ta’ beltna. Kif jixhdu l-istoriċi tal-arti, il-kollezzjoni ta’ opri artistiċi f’din il-knisja hija waħda impressjonanti u tinkludi xogħlijiet ta’ Mattia Preti, Giuseppe D’Arena, Stefano Erardi, Alessio Erardi, u Gio Nicola Buhagiar. Għalhekk il-kummissjoni tal-kwadri tal-Kor lil Francesco Vincenzo Zahra tinkwadra ruħha fit-tendenza li dejjem jintgħażlu l-artisti l-aktar ‘in voga’ f’dak il-mument.