Il-ħajja soċjali fl-Imqabba matul l-aħħar snin ta' l-Ordni ta' San Ġwann f'Malta

Abstract

Lejn l-aħħar snin ta' l-okkupazzjoni ta' l-0rdni ta' San Ġwann f'Malta, il-livell tal-ħajja soċjali tal-Maltin kien wieħed baxx b'faqar u tbatija kbira. Kien riżultat tar-renju twil tal-Gran Mastru Pinto u l-ħajja monarkika lussuża tiegħu li wassal biex il-Maltin kellhom iħallsu ħafna taxxi. L-irħula l-bogħod mill-ħajja kosmopolitana ta' l-ibliet tal-port kellhom ekonomija bbażata fuq l-agrikoltura. Ir-raħal kwiet ta' l-Imqabba kien wieħed minnhom. Ħarsa ħafifa lejn uħud mid-dokumenti arkivjati joħroġ dawl ta' kif l-antenati tagħna kienu jgħixu u jaqilgħu l-hobżna ta' kuljum. Nsibu nformazzjoni fuq il-popolazzjoni, tobba, qassisin, Mqabbin li ħadmu fuq il-baħar, prostituzzjoni u porċessi kriminali.