Mill-Arkivji : Programme 18 : Raymond Saliba

Abstract

Fil-programm ‘Mill-Arkivji’ tal-lum 5 ta’ Frar 2023 se niltaqgħu ma’ Raymond Saliba li sa ftit tax-xhur ilu kien jippreżenta l-programm ‘Il-Kollezzjonist’ fuq wieħed mill-istazzjonijiet televiżivi lokali.

Raymond Saliba huwa assistent kuratur fil-Mużew tal-Kattidral fl-Imdina fejn ilu jaħdem hemm 30 sena. Kellu l-opportunità li jirriċerka fl-Arkivju tal-Kattidral. Għal xi żmien ħadem ukoll fil-Mużew ta’ Sant Agata fir-Rabat u l-arkivju tiegħu.

X’dokumenti kien qed jara fl-Arkivju tal-Kattidral? X’importanza għandhom il-Visti Pastorali u l-Inventarji?

Raymond kien ukoll voluntier fl-arkivju tal-parroċċa f’Ħaż-Żebbuġ. Ħa jsemmi l-importanza tad-dokumentazzjoni li jixħtu dawl fuq l-istorja tal-fratellanzi fir-raħal? Isemmi wkoll dokumentazzjoni tas-sehem tal-ewwel baned fil-lokalità. Għandu kollezzjoni kbira ta’ santi li dawn stess jiddokumentaw xi ġrajja jew memorja. Kemm għandu santi u x’tip ta’ santi? X’valur għandhom għall-istorja u l-lingwa Maltija? Isemmi kif Dun Karm Psaila kien kiteb poeżija fuq santa f’għeluq il-25 sena mill-ordinazzjoni ta’ Dun Ġużepp Vella. Għażiża wkoll santa marbuta ma’ Dun Mauro Caruana. Huwa kollezzjonist kbir tal-programmi u l-annwali tal-festa li fihom insibu bosta artikli interessanti wħud minhom riċerkati.

Raymond Saliba kiteb diversi artikli u papers f’rivisti u kotba l-aktar fuq il-kultura popolari u l-arti sagra f’Malta. Kif nibtet l-imħabba lejn il-festa? X’kiteb dar il-logħob tan-nar? Kemm ilu jirriċerka l-arti fil-knejjes u l-kappelli?