Mill-Arkivji : Programme 41 : Silvestru Bonavia

Abstract

Patri Silvestru Bonavia huwa l-mistieden fil-programm ‘Mill-Arkivji’ tal-5 ta’ Novembru 2023. Patri Silvestru Bonavia, Kapuċċin se jkellimna dwar il-ħidma li għamel fil-Kurja Ġeneralizja Kapuċċina f’Ruma u fl-arkivju tal-Ordni f’Malta. Patri Silvestru huwa kwalifikat fl-istudji Teoloġiċi u fl-Ispiritwalità Franġiskana mill-Università Antonianum ta’ Ruma. Patri Silvestru se jkellimna ħafna dwar ħuh, Karmenu Bonavia, ex-għalliem tal-istorja u l-Malti fil-Liċeo fis-sittinijiet u wara. Se jgħidilna dwar ir-riċerka li għamel ħuh fuq is-Santwarju tal-Madonna tal-Grazzja f’Ħaż-Żabbar, it-twaqqif tal-Mużew tal-istess Santwarju, l-istudju dwar l-ilsien Malti u Mikiel Anton Vassalli. Skoperta oħra fir-riċerka li għamel Karmenu Bonavia kienet dwar id-data tal-kwadru titulari tas-Santwarju, xogħol ta’ Alessio Erardi. Jgħid li bħala soċju tal-mużew, Karmenu kellu l-opportunità li jiġbed għadd ta’ ritratti ta’ San Ġorġ Preca.