Materjal pedagoġiku differenzjat għat-tagħlim tan-nom

Abstract

L-għan ewlieni ta’ dan il-proġett huwa l-iżvilupp ta’ materjal pedagoġiku b’mod differenzjat għat-tagħlim tan-nom fil-Malti. Il-materjal ippreżentat huwa mmirat għal studenti li huma kelliema nattivi tal-Malti u li jinsabu fil-livell sekondarju. In-noti u t-taħriġiet maħluqa permezz ta’ dan l-istudju huma ppreżentati skont tliet rotot differenti fi tliet kotba tat-taħriġ. L-ewwel ktieb tat-taħriġ huwa mmirat għall-istudenti ta’ Rotta 1, it-tieni ktieb tat-taħriġ huwa maħsub għall-istudenti ta’ Rotta 2 u t-tielet ktieb għall-istudenti ta’ Rotta 3. It-tliet rotot, li jissejħu livelli fiċ-ĊES, huma inklużi fis-sillabu uffiċjali tad-dipartiment tal-edukazzjoni, kif ukoll f’IsSillabu tal-Malti taċ-ĊES 22 (2025). It-tagħlim b’mod differenzjat jimmira sabiex jilħaq lillistudenti kollha, irrispettivament mil-livell tal-kisbiet u mill-abbilitajiet varji tagħhom. B’dan ilmod kull student se jkollu l-opportunità jesperjenza t-tagħlim tan-nom skont il-ħtiġijiet personali tiegħu. Għan prinċipali ieħor huwa li l-kotba tat-taħriġ jintużaw kemm fl-iskejjel tal-istat kif ukoll fliskejjel tal-knisja u fl-iskejjel indipendenti. Dan il-proġett se jservi ta’ għodda pedagoġika għal dawk l-għalliema li jixtiequ jimplimentaw id-differenzjar fil-klassijiet tagħhom. Iżda mhux biss, il-kotba tat-taħriġ huma ta’ għajnuna wkoll għal dawk l-istudenti li jħobbu jitgħallmu b’metodi differenti li jmorru lil hinn mill-metodu tradizzjonali. Kull kapitlu f’din id-dissertazzjoni qed iwassal bosta studji li permezz tagħhom dan il-proġett seta’ jkun possibbli.