Il-logħob tan-nar fi żmien il-gwerra

Abstract

Patri Ġiġi Camilleri, jeħodna lura fix-Xagħra fiż-żmien it-tieni gwerra dinjija, huwa issemmi u jagħti tagħrif dwar l-ewwel attakk mill-ajru fuq x-Xagħra li seħħ nhar 10 ta' Frar 1942 u dwar it-tieni attakk li sar fit-12 t'April 1942, f'dawn l-attakki mietu erbgħa minn nies. Barra dawn it-traġedji Camilleri isemmi fatt li hu ukoll relatat mal-bombi tal-gwerra u li seta' spiċċa fi traġedja imma għall-grazzja t'Alla dan ma seħħx. Fi żmien il-gwerra kien hemm nuqqas kbir ta' provi biex jintuża għall-murtali tal-festi, għalekk grupp ta' guvintur mix-Xagħra iddeċċidew li jinżlu fil-baħar tax-Xlendi u jtellgħu bomba ġermaniża li ma splodietx. Irnexxilhom ittellgħuha mill-baħar imma l-puliżija xammet il-biċċa u l-ġuvintur sabuhom ma' wiċċhom flimkien ma grupp tan-Navy li fetħu l-majn u ħarqu l-polvri ta' go fiha. Il-grupp ta' żgħażagħ ma' qatgħux qalbhom u rnexxielhom jiġbru biżżejjed polvri li baqa' ma nħaraqx għal ftit murtali għall-festa tal- Vitorja. Id-daħna sewda li ħallew warajhom murtali magħmulin minn dak il-polvri li kien ikun ċapep iebsa sofor, kienet sinjal ċar li kienu magħmulin minn polvri tal-majn germaniża!