Ġorġ Borg Olivier : raġel ma' art twelidu

Abstract

Bħall-ġrajja tal-bniedem, il-ġrajja ta' nazzjon tieħu ż-żmien biex tasal għall-milja tagħha. Malta Ii m'hix kbira u la fil-medda u lanqas fil-kotra ta' niesha, tiftaħar bil-qedem tagħha. Jekk tħares lura, timraħ fil-bogħod. Jekk tiftakar, issib Ii hi ħolqa ta' ċivilta. Fl-imgħoddi hemm il-ġieħ ta' l-istorja daqskemm l- umiljazzjonijiet. Il-ħakmiet Ii ħallew ir-rifsa tagħhom fuq din il-gżira, madankollu, ma rnexxilhomx jeqirduha. Iċ-ċokon ma kienx biżżejjed biex ixejjen fil-ġemgħa zgħira tan-nies ix-xewqa Ii jfendu għal rashom, u Ii xi darba jieħdu rajhom f'idejhom u jaraw imbagħad x'jiġri. Bħal tifla Ii bdiet titfarfar, meta wasal il-waqt I taċ-ċaqliq fl-Ewropa, Malta maħkuma xxejret minn naħa għal oħra, ħasbet u tħawdet, tellgħet u niżżlet, u staqsiet jekk kinitx fiergħa din il-kilba għall-ħelsien. Għallinqas mill-qawmien kontra l-Francizi 'l hawn, hemm mewġa waħda tikber Ii kellha tieqaf tistrieħ xi mkien, xi darba.