Il-ktieb tal-profeta Isaija

Abstract

L-ewwel frażi mimlija realtajiet li ngħatat u applikawha lil Isaija profeta hija għaliex isejħulu “il-prinċep tal-profeti”. U huma ħafna r-raġunamenti u l-argumenti anke teoloġiċi li jsaħħaħ bil-qawwa kollha din l-espressjoni favur dan in-nabiħ li ħajtu kważi kollha qattagħha Ġerusalemm qrib it-tempju. Verament huwa profeta għaliex għallem bil-kuraġġ kollu quddiem kull forma ta’ awtorità, (Għużżija, Ġotam, Aħaż, u Ħeżekija) kollha slaten f ’Ġerusalemm, huwa bassâr li jbassar il-ġejjieni, u hawn bil-fors li nfakkru fil-ktieb hekk imsejjaħ ta’ l-Emamweli, ( kap 7 – 12); u xejn anqas fl-erba’ għanjiet hekk imsejħin tal-Qaddej ta’ Jaħweh, u mgħallem moralista li jargumenta dejjem u favur id-dekalogu kollu, wkoll meta kellu jġarrab tbatijiet biex jiddefendi tagħlimu. U dan l-aktar meta Isaija ġie biex jitkellem mis-sagrifiċji li jsiru ta’ kull jum fil-maqdes ta’ Ġerusalemm. Debħiet li quddiem Alla ma kienu jfissru assolutament xejn. “Xbajt mis-sagrifiċċji tal-ħruq” (Is 1,11). Iva għalhekk huwa tassew il-“prinċep tal-profeti”.