lt-tagħlim tal-imperattiv u d-direzzjonijiet fil-Malti lingwa barranija permezz tal-ħila tas-smigħ

Abstract

Għażilt li niffoka fuq it-tagħlim tal-imperattiv u d-direzzjonijiet permezz tal-ħila tas-smigħ sabiex kemm jista' jkun, niffaċilita t-tagħlim ta' dawk l-istudenti li qegħdin jitgħallmu l-Malti bħala Lingwa Barranija. Din id-dissertazzjoni f'forma ta' proġett tinkludi l-importanza tal-ħila tas-smigħ u x'jgħidu diversi riċerkaturi dwarha. Barra minn hekk, hemm ukoll mudell ta' kif għandha tkun lezzjoni tas-smigħ li verament tgħin lill-istudenti li qed jitgħallmu lingwa barranija u lill-għalliema tagħhom, sabiex jiffukaw aktar fuq il-proċess aktar milli l-marka t-tajba li jġibu fit-taħriġiet li jkollhom. Din it-teżi tinkludi wkoll seba' verbi li huma kkompjuterizzati fis-sit il-'Ġabra' talproġett MaltiTek. Dawn huma kkoreġuti bl-id umana sabiex ma jkunx hemm żbalji filkonjugazzjonijiet. Għaldaqstant, l-għalliema jkunu jistgħu jirreferu għalihom waqt xi lezzjoni biex jiggwidaw aktar lill-istudenti waqt xi lezzjoni partikolari li jkunu bnew. Laħħar u mhux l-inqas, din it-teżi tinkludi pakkett ta' riżorsi. Minkejja li ma ġewx implimentati fil-klassi, dawn għandhom iservu ta' għajnuna lill-istudenti u 'l-għalliema. Permezz tagħhom, il-lezzjonijiet tal-imperattiv u d-direzzjonijiet ikunu varjati u listudenti jkunu motivati u kurjużi biex jitgħallmu aktar u jużaw din il-lingwa lil hinn mill-klassi. Xi riżorsi oħra għandhom jgħinu lill-istudenti jtejbu l-grammatika u lvokabolarju tagħhom. Bħala stil ta' referenza, użajt l-American Psychological Association (APA, is-seba' edizzjoni).