Min ħexa mexa : metafori kunċettwali dwar il-korruzzjoni fil-Malti

Abstract

Dan l-artiklu għandu żewġ għanijiet; l-ewwel li jiġbor kliem u espressjonijiet li direttament jew indirettament jirreferu għall-korruzzjoni u t-tieni, li janalizzahom fid -dawl tat-teorija tal-metafora kunċettwali. L-investigazzjoni faan l-istudju għandha twassal biex tagħraf il-mappjaturi li hemm f'moħħ kelliema Maltin meta jsemmu l-korruzzjoni. L-analiżi tal-lingwaġġ marbut mal-korruzzjoni tista' tixħet dawl fuq il-kategoriji li permezz tagħhom, kelliema tal-Malti jagħmlu sens mir-realtà li jgħixu fiha. Ta' min jgħid li għalkemm dawn l-espressjonijiet għandhom rabta mal-korruzzjoni b'mod ġenerali, ma jfissirx li l-użu tagħhom huwa esklussivament marbut ma' din it-tema.