Mill-Arkivji : Programme 88 : James Licari

Abstract

Is-Sur James Licari, konservatur u restawratur hu l-mistieden fil-programm ‘Mill-Arkivji’ tas-16 ta’ Frar 2025. Huwa se jitkellem dwar il-professjoni tiegħu u l-esperjenzi ta’ ħidma kif ukoll fuq ir-riċerka li ppubblika.

Is-Sur James Licari għandu grad ta’ baċellerat fl-istudji tal-konservazzjoni u r-restawr, kif ukoll maġisteru fl-immaniġjar kulturali. Huwa l-President tal-Assoċjazzjoni Maltija tal-Konservaturi u Restawraturi Professjonali, Huwa l-viċi-president tal-Kunsill Malti Internazzjonali tal-Mużewijiet. Għal xi żmien kien is-Segretarju Eżekuttiv fil-Kunsill Malti Internazzjonali għall-Protezzjoni ta’ Siti u Monumenti. Attwalment huwa l-President of Malta Federation of Profession Association. Huwa wkoll part-time visiting lecturer fl-MCAST. James Licari se jgħid għala studja fuq ir-restawr tal-metall, ċermaika u l-ġebla fost osma oħra. X’waslu li studja l-konservazzjoni? Xi sfidi jsib fil-ħidma tiegħu u kif qed jara x-xenarju jiżviluppa mqabbel mal-passat?

Huwa jitkellem ukoll fuq l-istudji u riċerka li għamel għall-pubblikazzjoni ta’ diversi papers akkademiċi fosthom fuq il-konservazzjoni u r-restawr fuq il-bronż u l-bieb tal-ħadid tal-knisja tal-Madonna Damaxena fil-Belt .Jitkellem ukoll fuq il-monumenti li hemm fiċ-ċimiterju ta’ Marija Addolorata, kif ukoll fuq il-qanpiena marittima li kienet instabet fuq HMS Oakley 1941, paper li James Licari kiteb flimkien mal-Prof. Timothy Gambin. Lejn tmiem il-programm, Licari jiffoka wkoll fuq ir-riċerka li għamel fuq il-monumenti li hemm fil-ġnien tal-Mall fil-Floriana.