Kumment dwar dramm minsi ta' Ġużè Bonnici

Abstract

L-Imħabba Aktar mill-Ħajja hu dramm minsi ta' Ġużè Bonnici li qiegħed inxandru hawn kollu kemm hu. F' “Il-Malti", sena 65, 1989, pp. 43-53 xandart tliet novelli minsija tiegħu, Fil-Kamra tal-Mejtin, L-Oħla Kelma! u Anna Dvorak. Imiss issa li jkun ippubblikat dan ix-xogħol li jissokta jibni l-kwadru sħiħ tax-xogħlijiet tiegħu. Kopja ta' dan id-dramm ingħatatli mill-familjari ta' l-awtur, u magħhom ukoll kopja tal-manuskritt ta' l-ewwel att ta' dramm ieħor, Il-Ġidba tad-Demm. Bonnici beda jxandar l-imħabba Aktar mill-Ħajja fts-sensiela ta' kotba maħruġin minnu nnifsu. B' dan ix-xogħol, meqjus bħala għadd l, huwa jidher li ried jidħol C qasam ieħor tal-letteratura, it-teatru, u fIl-fatt dan id-dramm hu mdaħħal C dik li hu sejħilha "Ġabra ta' Xogħlijiet Tijatrali". Bil-ħidma tiegħu bħala editur huwa kien diġà għaqqad flimkien lill-awturi Maltin ewlenin u offra damma ta' kotba eleganti u xogħlijiet validi bil-Malti. Minn L-Imħabba Aktar mill-Ħajja, mitbugħ fl-Excelsior Press u maħruġ fis-sena ta' mewtu, 1940, huwa laħaq stampa l-ewwel att u l-biċċa l-kbira tat-tieni wieħed. Il-faxxikli mitbugħa jaslu sa paġna 64, waqt lil-bqija tad-dramm baqa' ma ġiex stampat Il-mewt ħaditu ħesrem u miegħu ħasdet il-proġetti ta' kitba u stampar li laħaq fassal.