Il-”Melitensia'' hi tagħna lkoll

Abstract

Dr. Ġużè Bonnici, ko-fundatur ta'l-Għaqda tagħna, mhux biss huwa kittieb ta' rumanzi u xogħlijiet oħra ta' proża. Huwa wkoll persunaġġ li għandu postu fIl-ġrajja tal-pubblikazzjonijiet Maltin. Kien hu li fl-1938 beda l-"Ġabra ta' Kitba Maltija" u ħareġ kotba ta' diversi kittieba Maltin ewlenin. Huwa ried jibni librerija Maltija serja. Il-"Melitensia" hi tifkira ħajja ta' x'għamel u ried jissokta jagħmel Ġużè Bonnici. Fiha hemm miġburin għadd ta' pubblikazzjonijiet Maltin jew dwar Malta, u qabel xejn dwar l-ilsien, il-letteratura u l-istorja. Il-"Melitensia" għad jonqosha ħafna biex tkun tassew ġabra rappreżentattiva tal-librerija ta' pajjiżna. Hemm ħafna nuqqasijiet kbar fiha u f'ħafna aspetti hi fqira għal kollox. Dan ifisser li għandhom jintefqu wisq aktar flus fix-xiri ta' kotba Maltin, ġodda u qodma. Għal dan il-għan, l-Għaqda qiegħda thejji memorandum dettaljat dwar in-nuqqasijiet tagħha u x' għandu jsir minnufih biex ma titħassarx aktar u tikber.