Lejl in-nar [Reviżjoni tal-Ktieb]

Abstract

Ħarsa lejn it-titlu tal-ktieb, Lejl in-Nar, wieħed jifhem li għandu mill-kjaroskur, mill-kuntrast bejn il-lejl u n-nhar, bejn il-waqtiet ta’ kriżi, biża’ u solitudni u oħrajn ta’ ottimiżmu u ferħ. Diġà minnu nnifsu t-titlu jistieden għar-riflessjoni, mela Schmitt bħal jgħinna nifhmu sa mill-bidu li din se tkun kitba li mhux se tħallina passivi bħala qarrejja. Dan hu rakkont awtobijografiku fejn Éric l-awtur huwa wkoll Éric in-narratur. Bejn il-kitba ta’ dan ir-rakkont minn Éric l-awtur u l-ispedizzjoni fid-deżert li għamel meta kellu ’l fuq minn 20 sena, hemm firda temporali ta’ 25 sena.