Il-Mibdul u San Ġiljan

Abstract

Sa qabel it-Tieni Gwerra Dinjija l-funerali tat-tfal u trabi kienu komunissimi, tista' tgħid ħaga ta' kuljum. Kienu għadhom ma nstabux antibijotiċi kontra l-infezzjonijiet komuni. It-trabi jkunu għadhom ma bnewx reżistenza kontra dawn l-infezzjonijiet u għalihom kienu għadhom ma ġewx żviluppati antibijottiċi kif nafuhom issa. Il-gwerra kollha tbatijiet u nuqqasijiet imma fiha jsiru sforzi speċjali mix-xjenzati biex jiġu skoperti materjali u metodi ġodda aktar malajr biex jikkumbattu kull gwaj, u fost oħrajn, l-antibijottiċi bdew jintużaw primarjament fost l-eluf ta' feruti tal-gwerra. Għalhekk minn wara l-gwerra beda jonqos ħafna l-mard infettiv u minn żmien meta kienu jmutu nofs it-trabi qabel jagħlqu sena, wasalna fi żmien ieħor meta mewt ta' trabi b'infezzjoni saret rari.