Mro. Adeodato Gatt : Surmast direttur tal-Banda San Mikiel (1950-1964) : għeluq il-mitt sena mit-twelid tiegħu

Abstract

Mro. Adeodato Gatt, magħruf bħala Datu, kien wieħed mill-aktar surmastrijiet magħrufa f'Malta tas-seklu 20. Hu kien Surmast Direttur tal-Banda San Mikiel bejn l-1950 u l-1964. Twieled Ħaż-Żebbuġ fl-1898 u beda l-karriera mużikali tiegħu ġo familtu stess bil-ħuh Mikiel kien surmast tal-Banda De Rohan u ta' San Filep li jisabu ġo Ħaż-Żebbuġ. Kien klarinettista prim mal-banda La Vallette u mbagħad mal-King’s Own fejn studja s-saxophone. Studja wkoll taħt surmastrijiet magħrufa bħal Ġużeppi Abdilla u b’ħeġġa kbira studja waħdu l-orkestrazzjoni u strumentazzjoni minn numru ta' kotba li kellu d-dar. Matul ħajtu, mexxa bosta baned bħal San Filep f’Ħaż-Żebbuġ, Queen Victoria taż-Żurrieq, La Vittoria tal-Mellieħa, u Vilhena tal-Furjana. Kiteb ħafna marċi u kompożizzjonijiet li għadhom jindaqqu sal-lum, fosthom “Semper Virens”, “Impressione Sinfonica 1565”, u “Ave Maria”. Mro. Gatt kien ukoll Surmast tal-banda tal-Moviment tal-Ħaddiema f’Ħaż-Żabbar u anki tal-banda nazzjonali ta’ Malta. Miet fl-1966, u t-talent u l-wirt tiegħu baqgħu ħajjin permezz tal-baned u l-familja tiegħu, speċjalment ibnu Philip li ħa postu f’diversi direzzjonijiet mużikali. Il-kontribut tiegħu għad-dinja mużikali Maltija jibqa’ prezzjuż u mfaħħar sal-lum.