Il-"lingua nostra" : dramm ta' John F. Marks

Abstract

Il-"Lingua Nostra," farsa ta' John F. Marks, riprodotta mill-Għaqda tal-Malti Università għall-ewwel darba bl-ortografija Maltija kurrenti, bil-kunsens tat-tifel ta' Johnnie Marks, il-Maġġur Robert Henry Marks, u tan-neputijiet tiegħu, Johanna Marks u Arnold Cassola, żgur li ma tistax titqies bħala xogħol ewlieni fil-qasam teatrali Malti. Madankollu, inħoss li - meta tieħdu fil-kuntest ta' żmienu - dan ix-xogħol għandu l-importanza tiegħu inkwantu jirrifletti l-qagħda politika u dik soċjolingwistika tal-perjodu li fih inkiteb u nħadem, jiġifieri l-bidu tas-snin tletin tas-seklu li għadda. Din il-farsa hija parodija ta' kawża fil-qrati Maltin, fejn l-avukati u l-membri tal-Ġudikatura jiddi battu bit-Taljan waqt li l-klijenti tagħhom, Maltin tal-klassi mtaħħta, ma jkunu qed jifhmu xejn minn dak kollu li jkun qed jintqal. Prima facie, din tidher bħala karikatura tal-persuna Maltija sempliċi u mhux edukata li ma tafx skola. lnsomma, karikatura fuq l-istil ta'Juann Mamo, li ried jikkundanna n-nuqqas ta'ħeġġa għall-edukazzjoni u għat-tagħrif minn sezzjoni mdaqqsa tas-soċjetà Maltija. [Kumment ta' Arnold Cassola].