Dawl fuq kitbiet awtobijografiċi mill-pittur Żejtuni Ġużeppi M. Caruana

Abstract

Qalb il-karti ta' Walter Zahra, filantropu u storiku Żejtuni, sibna żewġ dokumenti awtobijografiċi miktuba mill-pittur Żejtuni Ġużeppi M. Caruana nnifsu. Id-dokumenti ġodda li għandna fidejna huma miktuba bl-idejn. L-ewwel dokument huwa intitolat Awtobijografija u hu daqs 'notebook' żgħir. Fih Caruana, minbarra li jintraċċa l-bidu tiegħu fil-qasam tal-arti u jitfa' dawl fuq l-istudji li esperjenza, jagħti wkoll lista tax-xogħlijiet artistiċi li hu kien pinġa sa dak iż-żmien li kien qed jikteb. Il-manuskritt m'għandux data u fil-qoxra hemm il-firma tiegħu li hi ċara ħafna. It-tieni dokument huwa iqsar u magħmul biss minn żewġ karti ta' lewn griżi-ċelesti li qed jitilfu lewnhom. Fuq nett, Caruana żied in-nota: 'Noti minn Ġ.M. Caruana fuqu nnifsu. Dan id-dokument m'għandux data lanqas. Fih Caruana jespandi iktar fuq ix-xogħol bikri tiegħu bħala student u fuq il-'portraits' tiegħu ta' persunaġġi ewlenin u magħrufin u jżid dettalji li ma nsibuhomx fl-ewwel dokument minke]a li jirreferi għall' portraits' tiegħu wkoll.