Ir-ruħ u l-moħħ tal-professur Ġużè Aquilina : tifkiriet ta' ex-kollega u ħabib

Abstract

Hu ta' ferħ u ġieħ għalija li ġejt mistieden biex nagħti l-impressjonijiet tiegħi dwar il-Professur Ġużè Aquilina f'din iI-ħarġa speċjali ta' Leħen il-Malti. Bħala wieħed mill-ewwel student tiegħu, kif ukoll bħala wieħed li dejjem għożżejt il-ħbiberija tiegħu, inħossni mkabbar li qed nagħmel din il-kontribuzzjoni żgħira; iżda fl-istess ħin nifhem li mhu xejn ħafif għalija li nfassal kitba li tista' tagħmel ħaqq lil-kwalitajiet uniċi ta' wieħed mill-akbar studjużi kif ukoll mill-aqwa rġiel li tat Artna. Ilni ħdax-il sena 'I bogħod minn Malta. Dawn kienu snin li fihom għallimt u ħdimt f'universitajiet u f'artijiet kbar tal-kontinent tal-Amerika. Matul dan iż-żmien stajt niżen wisq aħjar il-kwalitajiet tajba u ħżiena ta' pajjiżna, tal-istorja u l-kultura tiegħu. Il-bogħod, iż-żmien u l-kobor ta' fejn qed ngħix kollha għinuni biex inħares Iejn pajjiżna minn perspettiva ġdida. Kemm affarijiet li kont narahom importanti u kbar meta kont ngħix f'Malta jidhru llum żgħar u bla importanza! Kemm oħrajn li bilkemm kont nagħti każ tagħhom, illum inħosshom għeżież u sehem essenzjali tal-wirt tiegħi bħala Malti!