Kelmtejn fuq Aquilina : longitudo dierum in dextera eius et in sinistra gloria

Abstract

Sa mis-sena li kien ħa l-ewwel fil-konkors tal-gvern, qabel it-tieni gwerra dinjija, il-ħajja tal-Professur Ġużè Aquilina insibuha waħda ta' ħidma bla waqfien għall-ilsien il-poplu Malti; u issa li s-seklu għoxrin resaq ġmielu lejn it-tarf tiegħu, naraw li l-livell għoli tax-xogħol li għamel u tas-suċċess li kiseb iqiegħed lil dan l-imgħallem għaref f'qatgha għalih waħdu fil-qasam tal-kultura Maltija. Dan għad jidher aktar ċar fis-seklu ta' warajna, għax illum kif igħidu l-Ingliżi, bis-siġar quddiemna ma narawx il-masġar. U għalhekk l-apprezzament tas-siwi tiegħu hija l-għanja ta' għada. Iżda illum nistgħu wkoll nistaqsu: X'kienet il-ħidma ta' dan l-awtur, u x'inhi l-importanza tiegħu għall-istudjuż tal-Malti? Għal din il-mistoqsija, it-tweġiba jien naraha ħafifa ħafna; ħafifa, daqs kemm minn naħa l-oħra, kienet iebsa u tqila il-missjoni akkademika tiegħu.