L-Għaqda tal-Malti (Università) u l-membri tagħha 1939-1945

Abstract

Sas-sena 1939 il-Malti fl-Università uffiċjalment ma kienx jeżisti: iI-Kattedra tal-Malti mbagħad biddlet kollox. Sa dak in-nhar il-Malti kien preżenti bis-saħħa ta' l-Għaqda tal-Malti (Università). Kienet hi li daħħlet u rawmet l-interess fil-Malti fost l-għalliema u l-istudenti. Il-Fundaturi tagħha kienu it-tabib Rużar Briffa u t-tabib Ġużè Bonniċi; għal disa' snin kienu mmexxijja minn Dun P.P. Saydon li kien għadu kif laħaq Professur fl-I931. L-istorja tagħha għall-ewwel għaxar snin insibuha mfassla minn Saydon stess f'diskors li kien għamel minn fuq ir-Rediffusion fi Frar 1941; dik mill-1941 sallum taħt id-direzzjoni tal-Professur Ġ. Aquilina għad trid tinkiteb. F'dan l-artiklu bi ħsiebni nikteb x'għamlet l-Għaqda u minn xiex għaddiet fis-snin tal-Gwerra, 1939-1945. Fin-nuqqas ta' dokumenti 'uffiċjali' ta' l-Għaqda, sa nibni fuq it-tifkriet tiegħi personali, korrispondenza privata stampata f'tarf dan l-artiklu u kitba fiI-Leħen il-Malti 1939-1945.