Tifkiriet ta' Aquilina

Abstract

Kull bniedem huwa individwali. Għandu l-karatteristiċi tiegħu partikulari, kemm fiżikament kif ukoll moralment - mil-lat ta' karattru - li lkoll flimkien jagħżluh mill-oħrajn u jagħmluh din jew dik il-persuna b'kuntrast ma' oħrajn ta' madwaru. Barra din ir-realta oġġettiva tal-eżistenza ta' persuna, hemm dik ir-realta soġġettiva, li għalija tfisser; l-eżistenza ta' persuna fiI-kunċett ta' persuni oħra - jiġifieri, kif dawn jarawha mill-esperjenzi tagħhom magħha, mill-ġudizzji ta' oħrajn dwarha, u xi drabi, mhux dejjem, mix-xogħolijiet tagħha - speċjalment dawk letterarji u soċjal-kulturali.