Aquilina : il-professur li bena u mexxa l-katedra tal-Malti

Abstract

L-avviż għall-post ta' Professur tal-Malti u IIsna Orjentali deher fil-Gazzetta tal-Gvern, fiI-ħarġa tas-26 ta' Frar 1937. L-applikanti kellhom żmien biss sa nofs in-nhar tal-Ħamis, 4 ta' Marzu ta' l-istess sena. Dik il-ħabta Ġużè Aquilina kien qiegħed fl-aħħar sena tal-kors tal-Liġi. Għal dak li hu tagħlim hu kellu esperjenza ta' sena li fiha kien igħallem fl-Għasri fi skola primarja li nfetħet b'inizjattiva ta' Dun Ġorġ Saliba, mir-Rabat t'Għawdex. Dan kien qabel ma beda l-kors tal-Liġi. Għal dik li hi kitba, hu kien ħa sehem mal-Professur P. P. Saydon fil-ġbir tal-antoloġiji Ward ta' Qari Malti, u kien ukoll kiteb ir-rumanz Taħt Tliet Saltniet li bih rebaħ l-ewwel premju fil-konkors tal-Gvern. Flimkien ma' Aquilina applikaw nies li, bil-kriterji ta' dak iż-żmien, kienu kbar ukoll. Hekk kienu Ninu Cremona, Dr. Ġuże Micallef, E.B. Vella u r-Rev. John Theuma-Relf li fl-istess sena ntagħżel bħala professur tal-Patroloġija.