Fid-disgħin sena ta' Dr. A. Cremona

Abstract

HEMM ħafna okkażjonijiet soċjali li tmur għalihom, ma ngħidx fuq il-qalb, u hemm oħrajn fejn mhux biss tmur bil-qalb, imma tifraħ li tkun mistieden għal din l-okkażjoni u tirringrazzja lil min ikun stiednek. Għax ngħidilkom is-sewwa, jekk hemm ħbiberija li ili ngħożżha, din hi ħbiberija tas-sur Nin, li wara l-ġieh li tatu l-Universita ta' Malta jistħoqqlu l-isem ta' duttur-D.Litt. X'differenza hemm fid-dottorat li jittieħed f'suġġett jew ieħor wara snin twal ta' studju fl-Universita? Hemm id-differenza li d-dottorat li jittieħed bi studju, li jittieħed formali bI-istudju ġo Universita jew dak li jkun għadda minn mgħasra, bil-prova iebsa ta' l-eżamijiet u stħaqq it-titlu ta' duttur, duttur tal-liġi ngħidu aħna, duttur tal-mediċina, umbagħad dak li jkun jista' jaħdem il-professjoni tiegħu, sa hawn, imma, imbagħad wara, jekk ma jagħmilx ħaġa oħra ħlief li jħaddem il-professjoni tiegħu, dan jista' jissejjaħ professjonist, u formalment duttur, għax il-grad la darba ħadu, ħadu imma mhux duttur fis-sens tal-kelma, dak il-professjonista illawrjat, li jitlaq l-istudji, jew inkella jieqaf mill-istudji. [silta]