Sittin sena ilu : in-Naxxar fl-luttu għal uliedu

Abstract

Fl-1936 taret il-kamra tan-nar tan-Naxxar li kienet tinsab fl-inħawi tas-Simblija. F'dan l-inċident mietu ħames irġiel, l-iżgħar vittma kien Giovanni Falzon ta' sbatax il-sena u l-akbar Karmnu Borg ta' erbgħin li ħalla ħames ulied warajh fosthom tarbija tat-twelid. L-isplużjoni instemgħet minn irħula differenti u ma naqasx li din it-traġedja tiġi mħabba minn diversi gazzetti f'Malta kif ukoll mill- 'The Maltese Journal' fi New York. Kien hemm diversi spekulazzjonijiet dwar x' seta' wassal għal dan l-inċident. Minn xhieda li ta' Karmnu Borg qabel ma miet jidher li kien sar xogħol bil-potassa xi żmien qabel u l-kamra ma tnħaslitx sew għalhekk meta Borg u Agius marru jkissru l-porvli dawn qabdu. Dan il-fatt flimkien ma kwantita ta' murtali u xogħol ieħor li kien sitvat fil-kamra wassal biex isseħħ din l-isplużjoni. L-eku tat-traġedja ma waqax fuq widnejn torox, għax f'Ottubru tal-istess sena il-Gvernatur Sir Charles Boham Carter ħabbar regolamenti ġodda dwar il-manifattura u l-ħażna ta' splussivi, Ii bdew iseħħu mill-1 ta' Jannar 1937.