Xi ġralu t-teatru Malti?

Abstract

META fi żmien il-Gvern tal-Ħaddiema, jew kif iħobb isejjaħ lilu nnifsu bI-Ingliż il-Malta Labour Party, jien kont magħżul bħala wiehed mill-membri biex ngħidu lill-Gvem kif it-teatru Manoel, ġawhra tal-Arti tagħna li kien għoddu sar żibel, seta' jerġa' għal li kien darba, naħseb li la l-President Ġino Muscat Azzopardi, il-President tal-Kummisjoni u lanqas dawk li ħadmu miegħu, m' għaddielhom minn rashom x'kien għad isir mit-teatru Manoel taħt idejn ħaddieħor. Dawk li jħobbu t-teatru Malti u jemmnu fih bħala l-mera ta' Nazzjon rajh f'idejh ħolmu żmien aħjar meta t-Teatru Malti miżmum minn flus il-Maltin, kellu jkun ta' ħeġġa, ħuġġieġa nar, għal dawk li xtaqu jaraw fuq il-palk tat-teatru Manoel, il-frott tal-ġenju Malti, li, bħal ma jgħid il-qawl Malti għall-bajtar, irid iż-żmien biex isir. Minn dan kollu ma ġa ra xejn. Mhux għax ma nħadmitx xi ftit drammi Maltin u, bit-tqanżih saru xi konkorsi 'l hawn u 'l hinn, imma dawn il-ħidmiet li messhom kienu l-qalba tat-teatru Manoel, flok hekk kienu xi ħaġa ta' mad-dawra, fit-tarf it-tarf. Tabilħaqq, it-teatru Manoel mhux biss li ma safax dik il-ħuġġieġa ta' nirien, sejħa tħaġġeġ għat-talent drammatiku Malti, imma li, tista' tgħid, wasal biex qerdu. [silta]