Ir-rwol tar-reliġjonijiet għall-paċi : xkiel jew opportunità?

Abstract

Ir-reliġjon – jew ir-reliġjonijiet – huma ta’ spiss akkużati li huma kawża ta’ diviżjoni u xkiel għall-paċi. Storikament, issir referenza għall-Kruċjati tal-Medju Evu u l-Gwerer tar-Reliġjonijiet ġewwa Franza. Fi żmien eqreb lejn tagħna, isiru wkoll referenzi għall-kunflitti bejn gruppi differenti, fosthom il-Kattoliċi u l-Protestanti fl-Irlanda ta’ Fuq u l-estremiżmu f’isem ir-reliġjon f’bosta pajjiżi tal-Lvant Nofsani iżda wkoll f’pajjiżi oħra bħall-India, Sri Lanka u Burma. Ir-realtà hija iktar kumplessa minn hekk. Apparti dan, hemm bosta paradossi. Fosthom, hemm il-fatt li kull reliġjon titkellem dwar il-paċi; imma jekk dan hu minnu, għax hemm tant kunflitti li jsiru taħt il-kappa tar-reliġjon, tant li din taf tidher bħala ostaklu għall-paċi?