Tifkira taż-żewġ assedji

Abstract

Id-devozzjoni lejn il-Madonna f’Malta hija mibnija fuq sekli sħaħ ta’ fidi, iżda fl-Isla din id-devozzjoni hija mnaqqxa fl-istorja u l-ħajja tan-nies li sabu faraġ fil-Bambina f'mumenti ta' saram. Matul l-Assedju l-Kbir tal-1565, in-nies tal-Isla, inklużi n-nisa u x-xjuħ, urew qlubija kbira fit-taqbid għal Forti San Mikiel kontra l-Ottomani. Ir-rebħa finali waslet propju fit-8 ta' Settembru, jum il-festa tal-Bambina, u b’hekk l-Isla kisbet it-titlu ta’ Civitas Invicta. Din ir-rabta speċjali reġgħet dehret fit-Tieni Gwerra Dinjija, meta l-Isla ġarrbet qerda kbira u l-Bażilika sfat rovina mill-bombi. Għalkemm il-vara tal-Bambina kellha tittieħed Birkirkara għal xi żmien, hija nġiebet lura b'mod trijonfali fit-8 ta' Settembru 1943, l-istess jum li fih l-Italja ċediet u ntemmet il-gwerra għal Malta. Illum, il-Bażilika sservi bħala monument ħaj ta' din l-imħabba u r-rabta li ma tinħall qatt bejn is-Sengleani u l-patruna tagħhom