Santwarji Marjani f'pajjiżna

Abstract

Meta wieħed jaqra t-titlu ta’ dan l-artiklu, mill-ewwel jiġu f’moħħu santwarji bħalma huma dawk tal-Vitorja fl-Isla, tal-Mellieħa, tan-Naxxar u tax-Xagħra, tal-Grazzja f’Ħaż-Żabbar, tal-Kunċizzjoni f’Bormla, tal-Karmnu fil-Belt Valletta u ta’ Pinu fl-Għarb, f’Għawdex, u oħrajn li huma magħrufa sew u jgawdu devozzjoni kbira. Dawn huma popolari ħafna u kollha għandhom knejjes kbar li jixhdu l-popolarità tagħhom bħala santwarji prinċipali f’pajjiżna. Iżda pajjiżna huwa mżejjen b’santwarji Marjani oħrajn li, għalkemm mhumiex kbar daqshekk, xorta jgawdu devozzjoni kbira u antika. F'dan l-artiklu Mario Colerio jagħtina nformazzjoni dwar; is-santwarji tal-Madonna tal-Ħerba (Birkirkara), l-Madonna tal-Ħlas (Qormi), tal-Karmnu li tinsab fil-Fawwar, tal-Mirakli li tinsab Ħal-Lija, s-santwarju tal-Mensija ġewwa San Gwann u tas-Samra li jinstab il-Ħamrun.