It-tigra

Abstract

Traduzzjoni tal-poeżija The Tyger ta’ William Blake minn Daniel Cossai. Fil-ġabra ta’ poeżiji tiegħu Għanjiet tal-Innoċenza u tal-Esperjenza (bl-Ingliż, Songs of Innocence and of Experience), Blake jesplora dawn iż-żewġ stati tal-ħajja li kważi kulħadd jgħaddi minnhom: l-istat ta’ innoċenza tat-tfulija, meta ma nħabblux rasna wisq dwar il-problemi metafiżiċi tal-ħajja u normalment naċċettaw dak li jgħidulna l-adulti dwar dan is-suġġett, u l-istat ta’ esperjenza, fejn dak li nġarrbu fil ħajja jwassalna biex niddubitaw ċerti affarijiet. It-Tigra taqa’ taħt l-Għanjiet tal-Esperjenza, u hija l-kontroparti ta’ Il-Ħaruf fl-Għanjiet tal-Innoċenza. F’din tal-aħħar, Blake joħloq poeżija msejsa fuq il mitoloġija Nisranija, fejn naraw djalogu bejn tifel ċkejken u ħaruf, bit-tifel jistqarr, mingħajr ebda tlaqliq, li bħal kull ħaġa oħra huwa Alla li ħalaq il-ħaruf. It-Tigra tipproblematizza din iċ-ċertezza.