It-tagħlim tat-taħdit fis-seba’ sena fl-iskola medja : il-metodi użati u suġġerimenti pedagoġiċi

Abstract

L-għan ta’ dan l-istudju huwa li jara x’metodi qegħdin jintużaw fit-tagħlim tal-ħila tat-taħdit lill-istudenti tas-seba’ sena fil-Malti filwaqt li joffri suġġerimenti biex insaħħu t-tagħlim f’din il-ħila. Sabiex jintlaħaq dan l-għan tħaddem il-metodu kwalitattiv: saru sitt intervisti, ma’ għalliema li jgħallmu din is-sena, li mbagħad ġew analizzati permezz tal-analiżi tematika. Din ir-riċerka se turi li żewġ għalliema minn sitta ġieli għamlu xi lezzjoni tat-taħdit tal-Malti fis-seba’ sena. Se turi wkoll li erba’ għalliema oħra jdaħħlu t-taħdit ma’ ħiliet u oqsma oħra tal-lingwa. Għaldaqstant, fid-dawl tal-letteratura u tal-analiżi tal-intervisti, ħloqt suġġerimenti pedagoġiċi marbuta mat-tqassim tal-ħin tul is-sena skolastika, taħriġ għall għalliema, riżorsi għall-klassi u suġġerimenti għall-ġenituri.