Ngħidu kelma ma Di u Do : mit-teorija għall-prattika : manwal għall-edukaturi tal-kindergarten

Abstract

Dan il-manwal jakkumpanja r-riżorsa multimodali Ngħidu Kelma ma' Di u Do, maħsuba biex tappoġġja l-iżvilupp tal-lingwa Maltija f'ambjenti tal-edukazzjoni bikrija (prinċipalment għal tfal ta' bejn 3 u 5 snin). Il-pubblikazzjoni hija maqsuma f'żewġ partijiet ewlenin: l-ewwel parti tesplora l-pedamenti teoretiċi u pedagoġiċi, inklużi l-akkwist tal-ewwel u t-tieni lingwa, il-bilingwiżmu, it-tagħlim komunikattiv (CLT/TBL), it-tagħlim multimodali u kinestetiku, u l-istrateġiji ta' armar edukattiv (scaffolding). It-tieni parti toffri applikazzjoni prattika fil-klassi permezz ta' gwida dettaljata fuq l-użu ta' 10 episodji interattivi bil-vidjow, 17-il kanzunetta u taqbila, u sensiela ta' attivitajiet biex jissaħħaħ il-vokabularju u l-użu tal-Malti fir-rutini ta' kuljum.