Kompendju ta’ riżorsi msejjes fuq il-karti tal-eżami tal-benċmark tat-taħdit (MLT) biex jippromwovi Malti espressiv u effettiv

Abstract

Dan l-istudju jiffoka fuq l-iżvilupp tal-ħiliet tat-taħdit u tas-smigħ fil-Malti fost studenti tas-sitt sena tal-edukazzjoni primarja. Diversi rapporti u dokumenti edukattivi juru li ħafna studenti jesperjenzaw diffikultajiet relatati mal-vokabularju, l-espressività u l-kapaċità li jestendu t- taħdit tagħhom lil hinn minn deskrizzjoni bażika. Fid-dawl ta’ dawn l-isfidi, l-istudju għandu l- għan li jiżviluppa kompendju ta’ riżorsi pedagoġiċi mmirat biex jappoġġja lill-għalliema fil promozzjoni tal-Malti mitkellem bħala lingwa ta’ komunikazzjoni ħajja fil-klassi. Ir-reviżjoni tal-letteratura tiffoka fuq ir-rapporti tal-Benċmark, il-qafas edukattiv Malti u l- importanza tar-riżorsi pedagoġiċi u tal-materjal awtentiku fl-iżvilupp tal-komunikazzjoni orali. Fuq din il-bażi ġie mfassal kompendju li jinkludi ritratti-stampi organizzati f’temi differenti u strutturati b’mod li jinkoraġġixxu l-iżvilupp tal-vokabularju u ta’ strutturi lingwistiċi differenti, fosthom in-nomi, l-aġġettivi, l-opposti, il-verbi, il-qwiel u l-idjomi, filwaqt li jsaħħu l- espressjoni orali u l-użu tal-Malti bħala lingwa ta’ komunikazzjoni ħajja. L-istudju jikkonkludi li l-iżvilupp tal-ħiliet orali fil-Malti jeħtieġ interventi pedagoġiċi konkreti li jippromwovu l-użu attiv u spontanju tal-lingwa. Il-kompendju propost joffri għodda prattika li tista’ tikkontribwixxi għal tagħlim aktar komunikattiv u espressiv fil-kuntest tal-edukazzjoni primarja.