Daħla : mill-għolja ta' Dukkara għall-identita' nazzjonali

Abstract

Int u ssuq lejn id-direzzjoni tal-Furjana mill-Blata l-Bajda, malajr tara fuq ix-xefaq il-Knisja u l-Kunvent tal-Patrijiet Kapuċċini. Din l-istess għolja kienet magħrufa bħala Ta’ Dukkara – isem li jfakkar fissiġar ta’ tin selvaġġ li kien abbundanti f ’dawn l-inħawi. Ir-rabta mas-siġra tat-tin hija interessanti; fil-lingwaġġ bibliku, it-tin huwa simbolu ta’ prosperità u paċi li juri kemm hi fertili u sinjura l-art. Meta Mosè jibgħat xi rġiel biex jitkixxfu dwar l-art imwiegħda, huma jiġu lura b’għeneb, rummien u tin biex juru kemm hi għammiela l-art. Fl-istess waqt, is-siġra tat-tin li ma tagħtix frott, fit-Testment il-Ġdid, hija wkoll simbolu tal-infedeltà tal-poplu ta’ Israel. [silta]