2000 sena minn twelidek, sena Pawlina : festi speċjali f'Birkirkara f'ġieħ l-Appostlu Missierna San Pawl

Abstract

Il-kult lejn l-Appostlu tal-Ġnus għandu għeruq qodma f'Birkirkara fejn il-knisja f'nofs il-wied ta' Birkirkara ġiet mibnija bejn l-1852 u l-1854. Qabilha kienet imwaqqfa kappella mibnija fl -1538 għall-qima ta' Alla u ddedikata lill-Konverżjoni ta' San Pawl. Kburi li l-lokal li fih trabbejt kien minn ta' quddiem biex ipparteċipa bis-sħiħ flattivitajiet biex tkun imfakkra kif jixraq is-Sena Pawlina. Kull nhar t'erbgħa tul is-Sena Pawlina saret adorazzjoni speċjali, f' Jannar saru festi speċjali u fl-ewwel ħadd tar-Randan sar pellegrinaġġ Pawlin. Interessaw ruħhom ukoll stazzjonijiet televiżivi lokali li ma naqsux li jġibu filmati u informazzjoni fuq il-knisja ta' San Pawl tal-wied u tal-festi li saru. Iċ-ċelebrazzjonijiet liturġiċi u l-festi speċjali li saru din is-sena laħqu l-qofol tagħhom f'jum il-festa titulari tal-knisja tal-wied, il-Ħadd 25 ta' Jannar, festa tal-Konverżjoni. Dan l-artiklu jagħti ħarsa lejn l-istorja tal-kult Pawlin f'Birkirkara kif ukoll fiċ-ċelebrazzjonijiet liturġiċi u il-festa esterna ta' San Pawl.