Ħjiel minn ġrajjiet il-parroċċa ta' l-Assunta ta' Ħad-Dingli (1575-1678)

Abstract

Ħad-Dingli hu wieħed mill-ħafna rħula ta ' Malta' li ġrajjiethom għadna ma nafuhom x. Għalhekk, jekk jiena naqbad il-kotba ta' l-istorja ta' gziritna, aktarx li ftit insib xi ngħid , u kwazi ma nkun nista'ngħid xejn ħlief ,li r-raħal fl-imgħoddi kien Ħal Tartarni, u izjed tard zviluppa f'Ħad-Dingli. Aħna kellna wkoll xi tagħrif ċkejken fuq il-knisja ewlenija tiegħu , u fuq knejjes oħrajn ta ' dawk l-inħawi. ls-sena 1978 hi sena tassew importanti fi ġrajjiet il-Parroċċa ta' Ħad-Dingli. Ma hix is-sena ċentinarja ta' meta Ħad-Dingli sar Parroċċa. II-Parroċċa saret għall-ewwel darba ħafna zmien qabel. Imma dan ir-raħal kellu l-problemi kbar tiegħu. Kien raħal li, waqt li fl-imgħoddi kien qrib il-qalba tal-popolazzjoni maltija, mis-seklu sittax 'il hawn, hu beda jħoss ruħu dejjem izjed maqtugħ . Waqt li fl-imgħoddi, il-ħajja ta' Malta kienet tant marbuta mar-Rabat u ma' l-Imdina , mis-sek lu sittax 'il quddiem, ic-Ċentru tal-ħajja mar lejn ii-Birgu, u mbagħad lejn il-belt Valletta. Il-mezzi tat-trasport baqgħu għal mijiet ta' snin diffiċli, u għalhekk Ħad-Dingli baqa' dejjem mitluq. Anki meta f'Malta l-Kleru beda jizdied, kien diffiċli li jinstab saċerdot biex jagħmel il-qalb lilu nnifsu u jagħti ruħu għall-poplu fqajjar ta' Ħad-Dingli.