"Dan min hu, mela, biex sahansirta r-rih u l-bahar jisimghu minnu?" riflessjonijiet fuq Mk4, 35-41

Abstract

L-Evanġelju skont San Mark, forsi minħabba li huwa l-iqsar fost l-erba’ Evanġelji, għal ħafna żmien donnu ġie ttraskurat minn dawk li jistudjaw l-Iskrittura. Iżda meta ħafna minn dawn l-istudjużi għarfu b’reqqa li dan hu l-ewwel Evanġelju li nkiteb, l-interess għall-istudju f ’dan l-Evanġelju kiber sewwa u bosta studji ġodda tefgħu dawl ġdid fuq is-sbuħija tat-teoloġija li hemm minsuġa fir-rakkonti kkuluriti li flimkien jiffurmaw in-narrativa ta’ dan l-Evanġelju. Nistgħu ngħidu li dan l-Evanġelju jagħti aktar spazju lill-azzjoni milli lit-tagħlim ta’ Ġesù.