"Ghidilhom kulma ghamel mieghek il-Mulej, u kif henn ghalik" (Mk 5: 19)

Abstract

Diġà kellna l-okkażjoni matul din is-sena nġibu quddiem għajnejna in-numru 8 tal-Bulla tal-Indizzjoni tas-Sena tal-Ġublew Misericordiae Vultus, sena li issa waslet fit-tmiem tagħha. Hekk kiteb Papa Franġisku: “Quddiem il-kotra ta’ nies li kienet timxi warajh, meta ra li kienu għajjenin u mitluqin, mitlufin u bla ħadd min imexxihom, Ġesù ħassu jitqanqal minn qiegħ qalbu għalihom (ara Mt 9:36). B’din l-imħabba kollha ħniena hu fejjaq il-morda li kienu jressqulu quddiemu (ara Mt 14:14), u bi ftit ħobż u ħutiet tema’ ġmiegħi kbar (ara Mt 15:37). Dak li lil Ġesù kien imexxih fiċ-ċirkustanzi kollha ma kienx ħlief il-ħniena, li biha kien jaqra fil-qlub ta’ min kien ikollu quddiemu u jwieġeb għall-aktar bżonn veru tagħhom. Meta ltaqa’ mal-armla ta’ Najn li kienet qed twassal lill-iben il-waħdieni tagħha lejn il-qabar, tqanqal bil-kbir għal dak l-uġigħ immens tal-omm li kienet qed tibki, u taha lura lil binha billi qajmu mill-mewt (Lq 7:15). Wara li ħeles lill-imxajtan ta’ Ġerasa, jafdalu din il-missjoni: “Mur inġabar id-dar ma’ niesek, u għidilhom kulma għamel miegħek il-Mulej, u kif ħenn għalik” (Mk 5:19).