Il-komunitajiet insara fl-Art Imqaddsa : il-Knejjes Kattolici

Abstract

Forsi jidher stramb it-titlu “Knejjes Kattoliċi”, meta aħna mdorrijin nitkellmu mill-Knisja Kattolika. Imma dan it-titlu hu meħtieġ biex nifhmu li l-Knisja Kattolika mhijiex biss il- Knisja Latina, jew Rumana, li aħna membri tagħha. Fl-Art Imqaddsa, barra mill-KnisjaLatina, insibu wkoll Knejjes Kattoliċi ta’ Rit Orjentali, jiġifieri Knejjes li jgħożżu r-riti u t-tradizzjonijiet komuni għall-Knejjes Orjentali Antiki u Ortodossi li semmejna, imma li jaċċettaw l-awtorità tal-Papa u huma f ’komunjoni ta’ fidi mal-Knisja ta’ Ruma, u għalhekk huma Kattoliċi. Dawn huma l-Knisja Griega Kattolika (Melkita), il-Knisja Armena Kattolika, il-Knisja Maronita, il- Knisja Siro-Kattolika, u l-Knisja Kaldea. Dawn il-Knejjes jesprimu t-tradizzjonijiet marbutin mal-Knisja Biżantina, jew ma’ dik Armena, jew ma’ dik Antjokena (l-aħħar tliet Knejjes li semmejna). Fl-Art Imqaddsa l-Knisja Griega Kattolika u l-Knisja Maronita għandhom numru kbir ta’ fidili u djoċesijiet proprji. Dawn il- Knejjes jissejħu sui juris, jiġifieri li għandhom liġijiet u użanzi proprji, li huma aċċettati mill- Knisja ta’ Ruma.