Editorjal : il-Frangiskani u l-pellegrini fl-Art Imqaddsa

Abstract

L-Art Imqaddsa minn dejjem kienet il-post l-aktar importanti ta’ pellegrinaġġ għall- Insara. Sa mill-ewwel sekli tal-era Kristjana għandna xhieda ta’ pellegrini li għamlu vjaġġi mwiegħra fuq l-art jew fuq il-baħar biex, mill-Ewropa, jiġu jżuru l-Postijiet tal- Fidwa fl-Art Imqaddsa. L-ewlenija fosthom kienet il-pellegrina Egeria, li ġiet fl-Art Imqaddsa fis-snin 381-384, u li ħalliet djarju famuż tal-itinerarju tagħha bid-deskrizzjoni tal-liturġija fil-Qabar ta’ Kristu u f ’diversi santwarji oħra. Imma kien hemm bosta oħrajn. Insemmu biss ftit.