Messaggiera ta' Alla Gakobb (I)

Abstract

Ġakobb huwa wieħed mill-ulied tewmin ta’ Iżakk u Rebekka. Huwa missier it-tnax-il tribù ta’ Israel. Bil-Lhudi ismu huwa Ja’aqob, dan l-isem ġie mogħti lilu għax twieled “b’idu mqabbda ma’ għarqub Għesaw” (Ġen 25:26; Hos 12,4). Isem Ġakobb jaqbel mal-għerq tal-verb ‘aqab, li jfi sser “tqarraq b’xi ħadd, tmurlu minn warajh” biex taqlibhielu (Ġer 9:3-4). Isem li joqgħodlu sewwa ħafna. L-istorja ta’ Ġakobb nafuha mill-Ktieb tal-Ġenesi minn Kapitlu 25, vers 9 sa l-aħħar. Ġakobb huwa persunaġġ storiku. Il-poplu ta’ Israel, imnissel minn Ġakobb, żamm ħajja l-memorja tiegħu. Israel jieħu ismu minnu, l-isem li tah l-anġlu wara li ssara miegħu: “Ma jkunx aktar jismek Ġakobb, iżda Israel, għax int issarajt ma’ Alla u mal-bnedmin u rbaħt.” (Ġen 32:29)