Il-Bahar il-Mejjet qieghed imut?

Abstract

Il-Baħar il-Mejjet, bil-Lhudi “Yam Ha-Melah” (Baħar il-Mielaħ) u bl-Għarbi “Bahar al- Mayyit” (Baħar il-Mejjet) jew Bahar Lut (Baħar ta’ Lot), jinsab fl -aktar post baxx fi l-krosta tal-pjaneta, 417-il metru taħt il-livell tal-baħar. Hu fond 377 metru. Hekk din l-għadira kbira ta’ ilma mielaħ hi l-aktar post baxx li jeżisti fifi d-dinja. Is-salinità tal-Baħar il-Mejjet hi l-aktar waħda għolja fi ddinja, u tasal sa 33.7% ta’ melħ. Il-Baħar il-Mejjet hu 67 kilometru twil u 18-il kilometru fl -aktar estensjoni wiesgħa tiegħu. Jinsab fi l-ħondoq tal-Ġordan, li hu wied kbir li jofroq żewġ plakki tektonici kbar, dik Afrikana fuq il-punent u dik Arabika fuq il-lvant. Dan il-fenomenu ġeoloġiku hu evidenti meta wieħed iħares fuq iż-żewġ naħat tal-Baħar il-Mejjet. Fuq innaħa Israeljana wieħed jara l-muntanji aridi tad-deżert tal-Lhudija li jixirfu fuq il-Baħar il-Mejjet, fi lwaqt li fuq in-naħa Ġordana wieħed jilmaħ il-muntanji ta’ Mowab, aktar għoljin imma aktar għammiela, li jwassluk fuq l-altipjan kbir Arabiku li jestendi lejn is-Sirja, l-Iraq u l-Għarabja Sawdita. Din hi r-raġuni għaliex iż-żona madwar il-Baħar il-Mejjet hi waħda mill-aktar reġjuni sismoloġikament attivi tad-dinja, u t-terremoti huma komuni. Il-Baħar il-Mejjet fi h ukoll diversi minerali ta’ natura vulkanika, li jindikaw attività vulkanika fi l-qiegħ ta’ dan il-baħar, li tagħha nsibu wkoll evidenza f ’avvenimenti bibliċi, bħal fi l-każ tal-qerda ta’ Sodoma u Gomorra bix- “xita ta’ kubrit u nar” (Ġen 19,23-25).