Daħla mill-Arċipriet tal-Mosta u Direttur tal-Oratorju Qalb ta' Ġesu

Abstract

Parroċċa ħajja hija dejjem dinamika u qatt ma tkun monotona għax taqa' fir-rutina. Il-liturġija, l-amministrazzjoni tas-sagramenti u l-festi huma minnhom infushom mezzi ta' tiġdid kontinwu, iżda jekk ma' dawn jiżdiedu wkoll il-gruppi, l-għaqdiet u l-movimenti tal-appostolat, allura l-esperjenza parrokkjali tkompli tisseddaq bil-parteċipazzjoni ta' iżjed lajċi. Dan huwa s-sabiħ ta' parroċċa attiva u inklussiva. Il-parroċċa la hi tal-arċipriet u lanqas tal-kleru, imma hija l-għalqa tal-Mulej fejn kull nisrani jista' jgħix is-sejħa tiegħu ta' nisrani skont l-istat tiegħu. L-ispazji parrokkjali, fosthom il-knejjes, il-kappelli, iz-znieter u l-pjazez, l-oratorji, l-oqsma tal-MUSEUM u tal-bqija tal-għaqdiet tal-fidi joffru opportunitajiet fejn in-nies jinġemgħu biex jirċievu formazzjoni u tagħlim, u jingħaqdu fiimkien f'attivitajiet li jkabbruhom u jressquhom lejn xulxin.