L-Oratorju Llum u Għada

Abstract

Is-sinjali ta' ħajja ġdida fl-Oratorju llum huma evidenti. Minkejja d-diffikultajiet kollha, matul l-2016 iż-żgħażagħ tal-Oratorju reġgħu saru forza viżiva fil-parroċċa u qegħdin iħallu impatt pożittiv u notevoli fi-appostolat mal-ġenerazzjonijiet il-ġodda. L-għaqda ignite 18+ qiegħda taqdi dmirha bl-akbar ħrara u bl-aqwa entużjazmu. L-isfida tagħhom hija li jkunu magħrufa iżjed u jkunu ta' servizz mal-kotra l-kbira taż-żgħażagħ li ma jattendu ebda ċentru jew għaqda. Il-katekisti qatt ma naqsu mill-impenn tagħhom biex jibqgħu jagħtu l-aħjar formazzjoni lit-tfal u lill-adoloxxenti bi tħejjija għas-sagramenti tal-qrar, it-tqarbin u l-griżma tal-isqof. L-akbar żewġ sfidi għalihom huma Ii jkomplu jfiehmu lill-ġenituri tat-tfal fuq is-siwi tat-tagħlim fuq il-fidi u biex jingaġġaw katekisti ġodda biex dak Ii għandna llum jissokta għada u pitgħada. L-attivita teatrali wkoll irxuxtat sew u matul l-2015 ġew imtellgħa xejn anqas minn tliet produzzjonijiet: dramm tal-passjoni f' April, rappreżentazzjoni Marjana fuq iz-zuntier tar-Rotunda f' Awwissu u dramm serju bbażat fuq film ta' Alfred Hitchcok f'Ottubru. It-taqsima teatrali tal-Oratorju qiegħda tkun fdata f'idejn The Drama Group Ii huwa fformat minn żgħażagħ li jattendu fi-Oratorju u minn old boys. Teżisti wkoll il-paġna ta' Facebook ta' dan il-grupp. Kull min kellu x-xorti li jattendi għar-rappreżentazzjoni li għamlu fil-bidu tal-kwindiċina għall-festa tal-2015 meta tellgħu r-rappreżentazzjoni Theotokos, żgur Ii kellu l-isbaħ xhieda ta' kemm l-oratorju reġa' qam fuq saqajh.