Żmien il-Ġimgħa Mqaddsa

Abstract

Fuq medda ta' mitt sena minn kemm ilu stabbilit l-oratorju fil-Mosta m'għandniex nistennew li t-tip u l-istil ta' ċelebrazzjonijiet baqgħu l-istess. Anzi bil-maqlub! Kull żmien iġib miegħu opportunitajiet, sfidi u ideat ġodda. Se nkun qiegħed niffoka l-iżjed fuq it-tifkiriet li rrankontawli I-old boys tal-Oratorju, l-aktar fi żmien meta Dun Anġ kien Direttur. Il-ferħ u l-kuluri ta' dawn l-attivitajiet għandu wkoll sehem kruċjali biex is-sistema edukattiva ta' Dun Ġwann Bosco setgħet titħaddem b'suċċess fil-Mosta b'risq ġenerazzjoni sħaħ ta' tfal, żgħażagħ u familji. Meta wieħed jifiihom sew, f'malajr jintebaħ li huma attivitajiet li jkanġu minn natura għal oħra - mill-ispiritwali għas-soċjali, minn kulturali għal sportivi, minn ċiviċi għal rikreattivi, minn brijużi għal rifiessivi. Dawn huma l-ingredjenti fundamentali ta' formazzjoni sħiħa li tieħu ħsieb il-ħtiġijiet u l-iżvog kemm tar-ruħ, kemm tal-ġisem.