San Frangisk u s-Sultan : il-bidu tal-prezenza Frangiskana fl-Orjent (1)

Abstract

Il-kronaki li nkitbu barra mill-Ordni Frangiskan fis-seklu XIII huma l-aktar ghajn tajba biex nifhmu b’mod çar bizzejjed dak li sehh matul il-vjagg missjunarju li San Frangisk ghamel fl-Orjent bejn Gunju 1219 u Frar 1220. L-aktar ghajn awtorevoli hi dik ta’ Jacques de Vitry, kontemporanju ta’ Frangisku. Imwieled f’Vitry-sur-Seine, sar kappillan ta’ Argenteuil, qrib Parigi, u mbaghad kanonku f’Oignies, fid-djocesi ta’ Namur. Kien kunsillier spiritwali ta’ Marie d’Oignies, u ha hsieb il-moviment tal-Beguins fil-Belgju. Fl-1216 mar Perugia, fejn kien ghadu kemm miet il-Papa Innoçenz III fis-16 ta’ Lulju, u hemmhekk gie kkonsagrat isqof ta’ Akri, fl-Art Imqaddsa, mill-Papa Onorju III. Kien f’Perugia li Jacques de Vitry gie f’kuntatt ma’ dawk li jsejjah “irgiel u nisa, ghonja u sekulari, li hallew kollox ghal Kristu u harbu mid-dinja, u li jisimhom Patrijiet Minuri”. Dan hu l-ewwel riferiment ghall-ghamla ta’ hajja apostolika tal-Minuri moghti minn persunagg li mhux membru ta’ l-Ordni, u li allura ghandu l-valur li hu ’l fuq minn kull polemika fil-famuza kwestjoni ta’ l-ghejjun medjevali Frangiskani. Ir-riferiment insibuh f’ittra li Jacques de Vitry kiteb f’Genova fl-1216, qabel ma salpa lejn Akri.