Esposizzjoni dwar Monsinjur Mikiel Azzopardi : 1910-1987

Abstract

Monsinjur Mikiel Azzopardi għandu jibqa' jokkupa post mill-aktar prominenti fil-ħajja ekklesjastika u soċjali ta' pajjiżna għall-kontribut kbir li għal tul medda ta' nofs seklu, huwa ta lill-Knisja Maltija u lil Art Twelidna, b'mod speċjali filqasam assistenzjali, kontribut mogħti b'sagrifiċċji kbar, b'dedikazzjoni sħiħa u bi spirtu kollu kemm hu nisrani. Kienu tlieta l-oqsma ewlenin li għalihom Dun Mikiel Azzopardi ddedika l-ħajja saċerdotali tiegħu: L-Apostolat tal-lajċi fi ħdan l-Azzjoni Kattolika Maltija, l-edukazzjoni tat-tfal u ż-żgħażagħ fl-iskejjel tal-Gvern u l-opra ta' mħabba tassew nisranija b'riżq it-tfal u ż-żgħażagħ inkapaċitati fid-Dar Residenzjali li huwa waqqaf għalihom fis-Siġġiewi. Kull wieħed minn dawn l-oqsma jibqa stampat b'timbru li ma jitħassar qatt ta' mħabba bla qies, magħġuna b'sagrifiċċji kbar personali u b'rieda ta' l-azzar ta' dan is-saċerdot qalbieni li, wkoll meta kiber fl-età, xorta waħda baga' żagħżugħ fl-ispirtu u fil-ħeġġa pastorali.