Il-festa ta' San Guzepp u l-Banda 'St. Patrick's' : il-Homor kontra l-Blu ... jew il-Hodor?

Abstract

Wahda mill-akbar flaġelli li ghandna fil-festi sbieh taghna l-Maltin huma l-piki bejn ilqaddisin (jew ahjar il-piki li noholqu ahna ghax m'ghandix dubju li l-qaddisin bejniethom piki m'ghandhomx!) u l-piki bejn il-baned meta dawnjaqbżu l-livell tad-diċenza u ma jibqghux fuq livell 'sportiv'. Fil-Floriana faċilment stajna nispiċċaw fissitwazzjoni simili u miskina ta' haddiehor li kieku ssahhew kemm il-Festa ta' San Ġużepp, li fil-parroċċa taghna kienet qed tikber u tikber, kif ukoll banda bI-isem ta' 'St Patrick's' li fuqha s'issa nafu ftit li xejn. Dan l-artiklu ktibtu bi ftit ta' trepidazzjoni ghax ma rridx li niġi akkużat li qed nerġa' nixghel imqar xrara ta' xi pika fil-Floriana, u qed niktbu eżattament ghax il-possibbilta' li jitwieldu 'partiti' ġodda tal-festa fl-istess lokalita', kemm fir-rigward ta' festi sekondarji kif ukoll baned ohra, illum hija prattikament ineżistenti, anki minħabba l-miżuri u r-regoli iebsa li wettqu lawtoritajiet ekklesjastiċi f'dawn l-ahhar snin f'dan il-qasam.